საბა გოგლიჩიძის ტოპ-მატჩი იუვენტუსთან, მოპოვებული ქულა და მაღალი შეფასება

სერია ა-ს მე-4 ტურში საბა გოგლიჩიძისა და საბა საზონოვის ემპოლიმ საკუთარ კედლებში იუვენტუსს უმასპინძლა.

შეხვედრა ფრედ 0:0 დასრულდა. გოგლიჩიძემ მატჩი სასტარტო შემადგენლობაში დაიწყო და სრული თამაში ჩაატარა.

გამოცემა SofaScore-მ ქართველს ამ მატჩისთვის 7.2 შეფასება დაუწერა, რაც მის გუნდში მე-3 საუკეთესო შედეგია.

გოგლიჩიძემ საკუთარ საჯარიმოში ერთი სახიფათო მომენტი განმუხტა, 1 დარტყმა დაბლოკა, 3 ვარდნა განახორციელა, 6 დუელიდან 4-ს მოგება შეძლო, 46-დან 40 ზუსტი პასი შეასრულა და ბურთს ჯამში 53-ჯერ შეეხო.

საზონოვმა მთელი თამაში სათადარიგოთა სკამზე გაატარა.