სადავო გადაწყვეტილებები? - რატომაა მიალბი იბერიასთან მატჩის მსაჯობით უკმაყოფილო?

მიალბი იბერია 1999-თან მატჩის მსაჯობას აპროტესტებს.

უეფას კონფერენს ლიგის ეგიდით თბილისში გამართული შეხვედრის შემდეგ, რომელიც იბერია 1999-სა და შვედურ მიალბის შორის ფრედ 1:1 დასრულდა, სტუმრები მსაჯის გადაწყვეტილებებით უკმაყოფილოები დარჩნენ.

შვედური კლუბის წარმომადგენლები აცხადებენ, რომ მოედანზე უკეთესად გამოიყურებოდნენ, თუმცა არბიტრის სადავო გადაწყვეტილებებმა, მათ შორის ორ გაუქმებულ გოლსა და 11-მეტრიანის დანიშვნას, მატჩის საბოლოო შედეგზე იმოქმედა.

შვედები მიიჩნევენ, რომ ვიქტორ გრანატის ჯარიმა საჯარიმოში სადავო იყო, რასაც ჯემალ-გიორგი ჯინჯოლავას პენალტი მოჰყვა. შვედური პრესა ასევე მიიჩნევს, რომ მანამდე მათ სასარგებლოდ მსაჯმა ხელით თამაშის ეპიზოდში პენალტი არ დანიშნა.

თბილისური ევროპული ტურნეს შემდეგ, მიალბის ყურადღება კვლავ შიდა ჩემპიონატზე გადააქვს. შვედეთის ალსვენსკანში გუნდი 24 მატჩის შემდეგ 23 ქულით მე-12 ადგილზეა და უახლოეს უქმეებზე მესამეადგილოსან ჰამარბის უმასპინძლებს.