საკა: "წელს პრემიერ ლიგის მოგება შეგვიძლია"

ლონდონის არსენალის შემტევმა ბუკაიო საკამ პსჟ-სთან მატჩის შემდეგ CBS-თან ისაუბრა.

"როცა ბიჭებს თამაშის წინ ველაპარაკე, მათ ვუთხარი: "დღეს დიდი განაცხადი უნდა გავაკეთოთ".

ჩვენ არ გვიჩვენებია ჩვენი სრული ხარისხი ევროპაში დიდი მეტოქეების წინააღმდეგ, მაგრამ ახლა სხვანაირად იყო... ამის გაკეთება გასვლით თამაშებშიც საჭიროა.

არ მინდა, რომ ჩვენზე დიდი წნეხი წამოვიდეს, მაგარმ ვფიქრობ, რომ წელს პრემიერ ლიგის მოგება შეგვიძლია.

ბოლო 2 წელიწადში ახლოს ვიყავით და ნელ-ნელა ვუახლოვდებით. იმედია, ეს იქნება ის წელი." - განაცხადა ინგლისელმა მოთამაშემ.

არსენალმა ემირეითსზე პსჟ 2-0 დაამარცხა. გოლები კაი ჰავერცმა და ბუკაიო საკამ გაიტანეს. არტეტას გუნდს 2 მატჩის შემდეგ ჩემპიონთა ლიგაზე 4 ქულა აქვს.