სანდრო ბაზაძე სეულის გრან პრის ბრინჯაოს პრიზიორია!

სეულში, ხმლით მოფარიკავე სენიორებს შორის გრან პრიზე სანდრო ბაზაძემ ბრინჯაოს მედალი მოიპოვა.

ქართველი სპორტსმენი ბრძოლებში T64-დან ჩაერთო. მან ჯერ უზბეკი მუსა აიმურატოვი დაამარცხა 15-9, შემდეგ ჰონგ კონგელ პაკ ლამ ჰუგო ჰოს სძლია 15-11, მერვედფინალში კი იტალიელ მიკელე გალოს მოუგო 15-11.

ბაზაძემ მეოთხედფინალში ოლიმპიური ჩემპიონი და რეიტინგის N1 მოფარიკავე, კორეელი სან გუკ ოჰი 15-11 დაამარცხა და ნახევარფინალში გავიდა, სადაც უნგრელ მოფარიკავეს კრისტიან რაბს დაუპირისპირდა.

ქართველმა ნახევარფინალური შეხვედრა 15-10 დათმო და ბრინჯაოს მედალი მოიპოვა.

ოქროს მედალი სწორედ რაბმა მოიპოვა, ვერცხლის პრიზიორი ფრანგი ჟან-ფილიპ პატრისი გახდა, ბაზაძესთან ერთად მეორე ბრინჯაო კი იტალიელმა ლუკა კურატოლიმ დაიმსახურა.