16-19 აპრილს, თბილისი ძიუდოს ევროპის ჩემპიონატს უმასპინძლებს. მოახლოებული ტურნირის წინ, European Judo Union-ს მსოფლიოსა და ევროპის ჩემპიონი, გიორგი სარდალაშვილი ესაუბრა.
"ზოგიერთს შეიძლება ეგონოს, რომ საკუთარ ქვეყანაში შეჯიბრება დამატებით ზეწოლას იწვევს, მაგრამ ჩემთვის ეს ორმაგი მოტივაციაა. ჩემი ხალხი მხარს დამიჭერს და ენერგიას მომცემს.
ტიტულის დაცვა ყველაზე პირდაპირი გაგებით დაამტკიცებს, რომ კონტინენტზე საუკეთესო ხარ. ზედიზედ ორი ევროპული ტიტული ბევრ ქართველს არ მოუგია და მინდა, მათ შორის ვიყო.
ჩემთვის ყველაზე რთული მეტოქე საკუთარი თავია. არ აქვს მნიშვნელობა, ვის ვხვდები, საიდან არიან ან რა ტიტულები აქვთ. ტატამზე ტიტულები არ იგებს, იგებს ის, ვინც იმ მომენტში უფრო ძლიერია", - თქვა სარდალაშვილმა.
საქართველო ძიუდოში კონტინენტის პირველობას მეორედ მასპინძლობს, პირველად თბილისში ევროპის ჩემპიონატი 2009 წელს ჩატარდა.
"ძიუდო ჩვენი კულტურისა და ტრადიციის აუცილებელი ნაწილია" - მაისურაძე EJU-სთან
