სანიოლი: "მიხარია, რომ მიქაუტაძე ქართველია"

ერთა ლიგაზე სომხეთთან 6-1 მოგებული მატჩის შემდეგ საქართველოს ნაკრების მთავარმა მწვრთნელმა, ვილი სანიოლმა მედიასთან ისაუბრა და მათ შორის გიორგი მიქაუტაძის ფორმაზეც გააკეთა კომენტარი.

"მიქაუტაძეზე შეიძლება ითქვას, რომ ახლა საუკეთესო ფორმაშია, მაგრამ ის ახალგაზრდაა და მომატება კიდევ შეუძლია. ეს იმაზეცაა დამოკიდებული, კლუბში რამდენად ექნება სათამაშო პრაქტიკა.

ყველა ფეხბურთელს, განსაკუთრებით მიქაუტაძეს, ევროპის ჩემპიონატმა თავდაჯერება შესძინა. მასში ყველაზე მეტად მენტალიტეტი მომწონს. მიუხედავად იმისა, რომ ის საფრანგეთში დაიბადა, მიხარია, რომ ქართველია.

ახლა გიორგი ისეთ ფორმაშია, რომ ძნელია მისი სკამზე დასმა, ამიტომ მოუწიათ ბუდუსა და სხვა შემტევებს მცირე სათამაშო დრო." - განაცხადა ფრანგმა სპეციალისტმა.

გიორგი მიქაუტაძემ სომხეთის ნაკრებს 2 მატჩში 4 გოლი გაუტანა და ეროვნულ ნაკრებში 20 გოლი დაუგროვდა, რითიც ყველა დროის ბომბარდირთა სიაში მე-2 ადგილს იკავებს.

"B ლიგაში ადგილის შენარჩუნება მნიშვნელოვანი იყო, თამაშით კმაყოფილი ვარ" - სანიოლის პრესკონფერენცია