სპორტინგის მწვრთნელი: "ქოჩორაშვილის დამატება იანვარშიც გვინდოდა"

სპორტინგის მთავარმა მწვრთნელმა, რუი ბორხესმა, გიორგი ქოჩორაშვილის ტრანსფერზე ისაუბრა და გზად, ქართველს ახალი მეტსახელიც მოუფიქრა.

„ჯიოს იანვარშიც ვაკვირდებოდით, თუმცა მაშინ ლევანტე მასში 15 მილიონს მოითხოვდა, ახლა კი ჩვენ 5.5 მილიონი გადავიხადეთ. იანვარში არავინ უშვებს საკვანძო ფეხბურთელებს, განსაკუთრებით კი გუნდები, რომლებიც კლასში ამაღლებას ცდილობენ. 

ასეთ დროს, ფეხბურთელების ფასი ძალიან იმატებს, არავინ, ან თითქმის არავინ არ ყიდის ფეხბურთელებს იანვარში. ჩვენ გვინდოდა, შეიძლება ვცდილობდით კიდეც, მაგრამ ეს შეუძლებელი აღმოჩნდა. საბოლოოდ ტრანსფერი მალევე დავხურეთ და სწორადაც მოვიქეცით, ის შემდეგ სეზონში დაგვეხმარება.

„ჯიო" კონკურენტუნარიანი ფეხბურთელია, რომელსაც გოლების გატანაც შეუძლია და კარგ ტექნიკასაც ფლობს. ის ჩვენს გუნდს ბევრს მოუტანს. გვჯერა, რომ მომავალში კარგი აქტივი იქნება. მას დიდი ხნის მანძილზე ვაკვირდებოდით და მოხარული ვარ, რომ საბოლოოდ შეძენის საშუალება მოგვეცა." - აღნიშნა ბორხესის სიტყვებს პორტუგალიური ვებ-გვერდი RR.pt.

სეზონის ბოლომდე ქოჩორაშვილი იჯარით ლევანტეში დარჩება, 1 ივლისიდან კი სპორტინგს შეუერთდება.