საქართველოს ნაკრები უეფას ერთა ლიგის 2024/25 წლებისს გათამაშებისთვის მზადებას 24 ფეხბურთელით დაიწყებს. ეროვნულ გუნდში სექტემბრის მატჩებისთვის გამოძახებულ ფეხბურთელთა სიას ვილი სანიოლმა იტალიური ემპოლის და 21-წლამდე ნაკრების მცველი, საბა გოგლიჩიძე დაამატა.
20 წლის მოთამაშეს სერია A-ში წარმატებული დებიუტი ბოლონიასთან შეხვედრაში ჰქონდა. შოთა ნონიკაშვილთან და ლუკა გადრანთან ერთად, გოგლიჩიძე ნაკრების მესამე დებიუტანტი იქნება სექტემბრის შეკრებაზე.
7 სექტემბერს, მიხეილ მესხის სახელობის სტადიონზე ნაკრები ჩეხეთს უმასპინძლებს. 10 სექტემბერს, ტირანაში კი საქართველოს მეტოქე ალბანეთი იქნება. სექტემბრის მატჩებისთვის მზადებას ჩვენი გუნდი 2 სექტემბერს, საგურამოში დაიწყებს.
საქართველოს ნაკრების განაცხადი სექტემბრის მატჩებისთვის
