საფეხბურთო ასოციაციამ (FA) ჩელსის 74 სავარაუდო დარღვევა წარუდგინა
ეს დარღვევები 2009 წლიდან 2022 წლამდე პერიოდში აგენტებისთვის გადახდებს ეხება. ბრალდებები ძირითადად ეხება 2010-11 და 2015-16 სეზონებს შორის განხორციელებულ ტრანსფერებს.
გამოძიების ფარგლებში ლონდონელთა სამი ტრანსფერი განიხილება, რომელშიც ედენ აზარი, სამუელ ეტო'ო და ვილიანი მონაწილეობდნენ. არ არსებობს მტკიცებულება იმაზე, რომ თავად ამ ფეხბურთელებმა რაიმე დარღვევა ჩაიდინეს.
რუსი ოლიგარქი რომან აბრამოვიჩი ჩელსის 2003 წლიდან 2022 წლამდე ფლობდა, სანამ კლუბს ამერიკელ ინვესტორ ტოდ ბოელისა და საინვესტიციო ფირმა Clearlake Capital-ის ხელმძღვანელობით მოქმედ კონსორციუმს მიყიდიდა.
სავარაუდო დარღვევები ეხება აგენტებს, შუამავლებსა და მესამე მხარის ჩართულობას. ჩელსი აცხადებს, რომ მათ თავად აცნობეს FA-ს ამ შესაძლო დარღვევების შესახებ და 19 სექტემბრამდე აქვთ ვადა პასუხის გასაცემად.
სანქციების სპექტრი ფართოა - შესაძლებელია ჯარიმა, სატრანსფერო ბანი ან ქულების დაკლება. თუმცა, კლუბის მხრიდან მაღალი დონის თანამშრომლობა გათვალისწინებული იქნება და ჩელსი არ ელის, რომ სპორტული სანქციები დაეკისრება.
