ინგლისის ნაკრების ყოფილმა თავდამსხმელმა, მაიკლ ოუენმა ცოტა ხნის წინ ჰარი კეინის გადაწყვეტილება 2023 წელს ბაიერნში გადასვლასთან დაკავშირებით გააკრიტიკა და აღნიშნა, რომ ბუნდესლიგის მოგება დიდი მიღწევა არ არის.
ინგლისისა და სერბეთის მატჩის წინ პრესასთან საუბრისას კეინმა ოუენის კომენტარებს უპასუხა.
"ძალიან მიხარია, რომ ეს ნაბიჯი გადავდგი" - კეინმა ოუენის კრიტიკას უპასუხა
კეინის კომენტარს ოუენმაც უპასუხა:
„ძალიან ღიად ვსაუბრობდი ჰარი კეინის გერმანიაში გადასვლაზე. ვფიქრობდი, რომ ეს არასწორი გადაწყვეტილება იყო. ვიღაცამ შეიძლება ჩემს კარიერასაც შეხედოს და თქვას - არ უნდა გაგეკეთებინა ესა თუ ის. ამას სრულად ვცემ პატივს, იმიტომ რომ კარიერის სხვადასხვა ეტაპზე სხვადასხვანაირი შესაძლებლობები ან დილემები ჩნდება. ასე რომ, სრული პატივისცემა ამას.
ის საოცარი მოთამაშეა, ერთ-ერთი საუკეთესო შემსრულებელია, ვინც კი ოდესმე გვინახავს. დიდი სამსახური გაუწია როგორც ინგლისს, ასევე თავის კლუბებს. მასზე ცუდს ვერაფერს ვიტყვი. პირადად მე ვისურვებდი, რომ უცხოეთში არ გადასულიყო და პრემიერ ლიგაში დარჩენილიყო.
მგონია, რომ მან მიიღო რამდენიმე გადაწყვეტილება, რომელზეც როცა კარიერას დაასრულებს, თვითონაც იფიქრებს, რომ სხვანაირად უნდა მოქცეულიყო.
პრემიერ ლიგაში რომ დარჩენილიყო, უკვე ძალიან ახლოს იქნებოდა გოლების რეკორდთან.
ის ფენომენალური მოთამაშეა და მართლაც დიდი საქმე გააკეთა ინგლისური ფეხბურთისთვის. მისი დიდი გულშემატკივარი ვარ.“ - განაცხადა ოუენმა.
