საქართველო ევროზე ფენომენალურ შედეგებს აღწევს - რომელ ეტაპზე გავედით?

პორტუგალიის ქალაქ ოეირაშში წყალბურთის 20-წლამდელთა მე-2 დივიზიონის ევროპის ჩემპიონატზე, საქართველოს ნაკრებმა ზედიზედ მესამე თამაში მოიგო.

რუსეთთან მარცხის (11:21) შემდეგ, ჩვენმა გუნდმა პორტუგალია (20:11) და ფინეთი (14:7) დაამარცხა, დღეს კი ლიეტუვის ნაკრებს 10-ბურთიანი სხვაობით აჯობა - 16:6.

შედეგად, საქართველოს ნაკრებმა ჯგუფის საუკეთესო 4 გუნდში მოხვედრა და 1/4 ფინალის საგზური უკვე გაინაღდა.

ჩვენები ჯგუფური ეტაპის ბოლო შეხვედრას 14 აგვისტოს, პოლონეთის ნაკრების წინააღმდეგ გამართავენ.

ფოტო: საქართველოს საწყლოსნო სპორტის სახეობათა ფედერაცია