საქართველოს ახალგაზრდული ნაკრები, ევროპის ჩემპიონატისთვის მოსამზადებელ შეკრებას ავსტრიაში გაივლის.
ავსტრიული შეკრების ფარგლებში ჩვენი გუნდი, ამხანაგურ მატჩს რუმინეთის წინააღმდეგ გამართავს. მატჩი 4 ივნისს, 20:30 საათზე გაიმართება.
8 ივნისს, ნაკრები სლოვაკეთში გაემგზავრება და ჩემპიონატისთვის მზადებას მასპინძელ ქვეყანაში განაგრძობს.
ახალგაზრდული ნაკრების მთავარმა მწვრთნელმა, რამაზ სვანაძემ 25-კაციანი გაფართოებული შემადგენლობა დაასახელა. სლოვაკეთში წამსვლელი 23 ფეხბურთელის ვინაობა, 4 ივნისს გახდება ცნობილი.
მეკარეები: ლუკა ხარატიშვილი (დინამო ბათუმი), ლევან თანდილაშვილი (თელავი), მიხეილ მაქაცარია (დინამო თბილისი).
მცველები: საბა ხვადაგიანი (დინამო თბილისი), ირაკლი იაკობიძე (დინამო თბილისი), საბა მამაცაშვილი (სირიუსი, შვედეთი), ნიკოლოზ უგრეხელიძე (დინამო თბილისი), გიორგი მაისურაძე (პოლისია ჟიტომირი), საბა გოგლიჩიძე (ემპოლი), საბა საზონოვი (ემპოლი), ირაკლი აზაროვი (დონეცკის შახტარი), ლუკა ლაცაბიძე (ოდესის ჩერნომორეცი).
ნახევარმცველები: ოთარ მამაგეიშვილი (ფამალიკაო), ლუკა გაგნიძე (კრილია სოვეტოვი), ირაკლი იეგოიანი (ვიტესი), ნოდარ ლომინაძე (დინამო თბილისი), გაბრიელ სიგუა (ბაზელი), ლევან ოსიყმაშვილი (ჰაპოელ ჰადერა), თორნიკე მორჩილაძე (დინამო თბილისი).
თავდამსხმელები: გიორგი კვერნაძე (ფროზინონე), ვასილიოს გორდეზიანი (სარაევო), გიზო მამაგეიშვილი (იბერია 1999), ვახტანგ ბედოშვილი (გარეჯი), გიორგი აბუაშვილი (კოლხეთი 1913), ლაშა ოდიშარია (რფს რიგა).
21-წლამდე ნაკრები ევროპის ჩემპიონატის პირველ მატჩს 11 ივნისს, პოლონეთის წინააღმდეგ გამართავს, 14 ივნისს საფრანგეთს შეხვდება და ჯგუფური ეტაპის ბოლო მატჩში, 17 ივნისს პორტუგალიას დაუპირისპირდება.
