ბარსელონას და მადრიდის რეალის ექს-ფეხბურთელმა, ხავიერ სავიოლამ, ქართული ფეხბურთის პროგრესზე ისაუბრა.
„ქართულ ფეხბურთს ძალიან კარგი დროება უდგას, უფრო და უფრო იზრდება ხარისხი. ჩემი აზრით, ეს ფაქტი მხოლოდ საქართველოსთვის კი არა, სხვა ქვეყნებისთვისაც ძალიან მნიშვნელოვანია და შეიძლება შთაგონებად იქცეს სხვა ქვეყნებისთვის, სადაც არც ისე განვითარებულია ფეხბურთი.
იმედი მაქვს, ქართული ფეხბურთი კიდევ უფრო მაღალ დონეზე ავა და კიდევ უფრო დიდ ტურნირებზე მიიღებს მონაწილეობას. რა თქმა უნდა, ეს ყველაფერი სათავეს ფესვებიდან იღებს.
ჩემი აზრით, ამ ქვეყანაში საწყის ეტაპზე ძალიან კარგი მწვრთნელები და მასწავლებლები მუშაობენ, დიდი ყურადღებას ექცევა ბავშვების განვითარებას და მგონია, რომ ძალიან კარგად წავა ეს პროცესი, თუმცა ყველაზე ძნელი არა წარმატების მიღწევა, არამედ მისი შენარჩუნებაა.
წლების განმავლობაში იგივე დონის შენარჩუნება და მითუმეტეს გაზრდა კიდევ უფრო რთულია, თუმცა კარგი პირობები ჩანს და წარმატებებს გისურვებთ." - აღნიშნა თბილისში ჩამოსულმა სავიოლამ.
