ბრაზილიის ეროვნული ნაკრების მოგზაურობა მსოფლიო ჩემპიონატზე სიმბოლური და დაუვიწყარი ჟესტით დაიწყო.
გუნდის 220 მილიონ დოლარად შეფასებულ თვითმფრინავს, რომლითაც წარსულში ლეგენდარული ჯგუფი როლინგ სტოუნზიც სარგებლობდა, საზეიმო „ნათლობა“ მოუწყვეს.
აფრენის წინ, ორმა სახანძრო მანქანამ ასაფრენ ბილიკზე წყლის გრანდიოზული თაღი შექმნა, რომლის ქვეშაც ბრაზილიელთა ლაინერმა ნელა გაიარა. ეს ტრადიცია ავიაციაში მიღებულია განსაკუთრებული რეისებისა და მნიშვნელოვანი მოვლენების აღსანიშნავად.
აეროპორტის პერსონალმა ეს ღონისძიება ბრაზილიის ფეხბურთის კონფედერაციასთან შეათანხმა, რამაც ნაკრების გაცილებას დამატებითი ემოცია შემატა. მიიჩნევა, რომ ეს რიტუალი გზას ლოცავს და გუნდს იღბალს მოუტანს მუნდიალზე ტრიუმფის მოსაპოვებლად.
