ბეტისის ბრაზილიელმა შემტევმა, ანტონიმ, პირველი კომენტარი გააკეთა მას შემდეგ, რაც კარლო ანჩელოტიმ მსოფლიო ჩემპიონატისთვის ბრაზილიის ნაკრების შემადგენლობა დაასახელა და ფეხბურთელი სიის მიღმა დატოვა.
მიუხედავად იმისა, რომ ანტონიმ ესპანურ კლუბში ბრწყინვალე სეზონი ჩაატარა და 45 მატჩში 14 გოლითა და 10 საგოლე გადაცემით გამოიჩინა თავი, ის 26-კაციან განაცხადში ვერ მოხვდა.
ესპანური ტელეარხის, El Chiringuito TV-ის ჟურნალისტებმა ფეხბურთელს კომენტარის გაკეთება სთხოვეს. ანტონიმ აღნიშნა, რომ მას ძალიან სურდა მუნდიალზე გამგზავრება, თუმცა რეალობას შეგუებულია და საკუთარი ასპარეზობით მაინც ამაყობს. მანვე დასძინა, რომ მწვრთნელის გადაწყვეტილებას უსამართლოდ არ მიიჩნევს, რადგან ბრაზილიის ნაკრებში უამრავი მაღალი კლასის მოთამაშეა.
ანტონი ბეტისს გასული წლის სექტემბერში, მანჩესტერ იუნაიტედიდან ტრანსფერის შემდეგ შეუერთდა. მისი სტაბილური თამაშის გამო, 7-ნომრიანი მაისურის მფლობელი ფიფასთვის გაგზავნილ წინასწარ გაფართოებულ სიაში ფიგურირებდა, თუმცა საბოლოო არჩევანი ანჩელოტიმ სხვა ფეხბურთელებზე შეაჩერა.
