საზონოვი ტორინოდან იჯარით მიდის

იტალიელი ჟურნალისტის ჯანლუკა დი მარციოს ცნობით, ემპოლი და ტორინო საბოლოო შეთანხმებასთან ახლოს არიან.

ტოსკანური კლუბი ახლოსაა პიეტრო პელეგრისა და საბა საზონოვის დამატებასთან, სანაცვლოდ კი სებასტიან ვალუკიევიჩი პაოლო ვანოლის გაწვრთნილ გუნდში გადავა.

კლუბები სავარაუდოდ სამი მოთამაშის ტრანსფერთან დაკავშირებით მალე შეთანხმდებიან.

პიეტრო პელეგრი და საბა საზონოვი ემპოლიში იჯარის წესითა და გამოსყიდვის უფლებით გადავლენ. ორივე მოთამაშე უკვე დათანხმდა ტრანსფერს. სებასტიან ვალუკიევიჩი კი ტორინოში 5 მილიონი ევროს სანაცვლოდ გადავა.

საბა საზონოვი ტორინოს 2023 წელს შეუერთდა, თუმცა მისი კარიერა ტურინულ გუნდში არ აეწყო.

ემპოლის სერია ა-ში 2 ტურის შემდეგ 4 ქულა აქვს. გუნდმა პირველ ტურში მონცასთან უგოლო ფრე ითამაშა, მეორე ტურში კი სტადიო ოლიმპიკოზე სენსაციურად რომა დაამარცხა 1-2.

საზონოვს ემპოლიში კიდევ ერთი ქართველი საბა გოგლიჩიძე დახვდება, რომელმაც პირველი მატჩები სათადარიგო სკამზე გაატარა.