სენსაციური ინფორმაცია ტურინიდან - ჯუნტოლის კვარაცხელია მოუნდა

რადიო Kiss Kiss Napoli-ს დირექტორმა ვალტერ დე მაჯომ საინტერესო ინფორმაცია გაავრცელა.

"არ მინდა, ნაპოლის გულშემატკივრებს დღე გავუფუჭო, მაგრამ ხვიჩა კვარაცხელიას მომავალთან დაკავშირებით სენსაციური ინფორმაცია მივიღე.

ტურინიდან მითხრეს, რომ კრისტიანო ჯუნტოლის (იუვენტუსის სპორტული დირექტორი) ხვიჩა იუვენტუსში უნდა. მენეჯერი ნაპოლის ვინგერთან მუშაობას კვლავ ისურვებდა.

იუვენტუსს ბევრი ფულის ინვესტიცია შეეძლება, თუ ისინი დუშან ვლაჰოვიჩს გაყიდიან. ერთად ვნახავთ, ეს ინფორმაცია გამართლდება თუ არა". - განაცხადა დე მაჯომ.

შეგახსენებთ, რომ ხვიჩა კვარაცხელია ნაპოლიში სწორედ კრისტიანო ჯუნტოლის სპორტული დირექტორობის დროს მივიდა. ქართველი პირველივე სეზონში სერია ა-ს საუკეთესო ფეხბურთელი გახდა, ნაპოლი კი სკუდეტოს დაეუფლა.

გასულ წელს ერთ-ერთი ინტერვიუში მოთამაშის აგენტმა, მამუკა ჯუღელმა განაცხადა, რომ კვარაცხელია სხვა იტალიურ კლუბში არ ითამაშებს. ხვიჩას ნაპოლისთან ამჟამინდელი კონტრაქტი 2028 წლამდე აკავშირებს.

კვარაცხელიას მიმართ ინტერესს ბარსელონა და პსჟ იჩენენ