კვარაცხელიას მიმართ ინტერესს ბარსელონა და პსჟ იჩენენ

La Gazzetta dello Sport-ის ინფორმაციით, ხვიჩა კვარაცხელიას მიმართ ინტერესს ბარსელონა და პსჟ იჩენენ.

ლუის ენრიკესა და ჰანსი ფლიკს ქართველი სუპერვარსკვლავის სათამაშო სტილი ძალიან მოსწონთ და ორივე თავის გუნდში ხვიჩას ხილვას ისურვებდა.

თუმცა, ნაპოლის გეგმებში კვლავაც კვარაცხელიასთან კონტრაქტის გახანგრძლივება შედის.

როგორც აქამდე იწერებოდა, კვარას აგენტები ნაპოლისგან 5-წლიან კონტრაქტს და ხელფასის სახით 8 მილიონ ევროს ითხოვენ, თავის მხრივ კლუბი კი 6 მილინ ევროს და ბონუსებს სთავაზობს - სწორედ ამდენს იღებს ამჟამად ნაპოლის ყველაზე მაღალანაზღაურებადი ფეხბურთელი რომელუ ლუკაკუ.

სხვა კლუბების მხრიდან არსებული ინტერესიდან გამომდინარე, პრეზიდენტი აურელიო დე ლაურენტისი, დიდი ალბათობით, ხვიჩას კონტრაქტში გამოსასყიდ თანხას ჩაწერს დაახლოებით 100 მილიონი ევროს ოდენობით. 

წყარო: La Gazzetta dello Sport