გიორგი კვერნაძის ფროზინონემ იტალიის სერია B-ს პირველი წრე ჩემპიონის რანგში დაასრულა. მე-19 ტურში კატანძაროს 2:0 მოუგეს.
ქართველმა გარემარბმა ლაციოელთა ძირითადში ზედიზედ მე-11 ტურში ითამაშა და მოედანზე 73 წუთი გაატარა. მოედანი 0:0-ზე დატოვა.
აღსანიშნავია, რომ ფროზინონეს უკვე 11-მატჩიანი დაუმარცხებელი სერია აქვს და ის იწყება სწორედ იმ შეხვედრიდან, რომელშიც კვერნაძის ზედა აბზაცში ნახსენები სერია დაიწყო.
გიორგის სერია B-ს 17 მატჩში 3 საგოლე მოქმედება აქვს - 2 გოლი და 1 ასისტი. სეზონში კიდევ ერთი გოლი იტალიის თასზე, მონცასთან შეაგდო.
19 ტურის შემდეგ, ფროზინონეს 41 ქულა აქვს (12 მოგება, 5 ფრე, 2 წაგება) და მეორეადგილოსან ვენეციას 3 ქულით უსწრებს.
კვერნაძის გუნდი 17 იანვარს სტუმრად შეხვდება მონცას, რომელმაც ვენეციას მე-2 ადგილი, დღეს წაგების გამო, გადააბარა.
