შავდათუაშვილმა მსოფლიო ჩემპიონატზე ასპარეზობა მედლის გარეშე დაასრულა

ბუდაპეშტში მიმდინარე ძიუდოს მსოფლიო ჩემპიონატზე ქართველმა ლეგენდამ, ლაშა შავდათუაშვილმა [73 კგ] ასპარეზობა მედლის გარეშე დაასრულა.

ქართველი ძიუდოისთი 1/8 ფინალში აზერბაიჯანელ რაშიდ მამადალიევთან დამატებით დროში გაფრთხილებებით დამარცხდა და ტურნირს დაემშვიდობა.

ლაშა შავდათუაშვილი ორგზის მსოფლიო ჩემპიონია, ოქროს მედალი მან 2013 და 2021 წლებში მოიპოვა. სხვათაშორის, ოთხი წლის წინ მან ჩემპიონობა სწორედ ამავე ქალაქში, ბუდაპეშტში მოიპოვა.

ორი ოქროს გარდა, შავდათუაშვილმა მსოფლიო ჩემპიონატებზე კიდევ სამჯერ ბრინჯაოს მედლის აღება შეძლო. წელს კი, მედლის გარეშე დაასრულა მონაწილეობა.

შეგახსენებთ, რომ ძიუდოს მსოფლიო ჩემპიონატი გუშინწინ, 13 ივნისს დაიწყო და მასზე საქართველოს ჯერჯერობით მედალი არ მოუპოვებია.