ახალი ამბავი არ არის, რომ მადრიდულ დერბის დაძაბულობა ყოველთვის თან ახლავს.
ესპანეთის სუპერ თასის ნახევარფინალში შეკამათება ვიხილეთ დიეგო სიმეონესა და ვინისიუს ჟუნიორს შორის. თამაშის დროს ატლეტიკოს მწვრთნელმა რეალის შემტევს შემდეგი რამ უთხრა:
ვინი, ვინი... ფლორენტინო გუნდიდან გაგაგდებს, დაიმახსოვრე, გეუბნები!
არგენტინელი და ბრაზილიელი ამ უკანასკნელის მოედნიდან გასვლის დროსაც შეკამათნენ. სიმეონემ ამჯერად ვინის ასეთი რამ მიაძახა:
გესმის? შენ გისტვენენ
ჩოლოს ამ ნათქვამზე რეალის შემტევი გაბრაზდა, თუმცა ის ჩაბი ალონსომ გააჩერა, სიმეონემ და ვინიმ კი ყვითელი ბარათები მიიღეს.
