იტალიელმა ჟურნალისტმა, სანდრო საბატინიმ, იუვენტუსის გენერალურ დირექტორ დამიენ კომოლისა და ჯან პიერო გასპერინის შორის შემდგარი საინტერესო საუბრის დეტალები გაამხილა.
რამდენიმე კვირის წინ, როცა გასპერინიმ ატალანტას დატოვება გადაწყვიტა, მისით იუვენტუსი და რომა ინტერესდებოდნენ.
„კომოლიმ [იუვენტუსის გენ.დირექტორი - ავტ] გასპერინის დაურეკა და უთხრა:
„მისტერ გასპერინი, აბა მითხარი, რატომ უნდა აგიყვანოს იუვენტუსმა მთავარ მწვრთნელად."
გასპერინიმ კი უპასუხა: "შენ მირეკავ და არა პირიქით."
ჟურნალისტის თქმით, მან ეს ინფორმაცია გასპერინისთანაც გადააზუსტა, რომელმაც ავთენტურობა დაადასტურა.
საბოლოოდ, იუვენტუსსა და მწვრთნელს შორის შეთანხმება არ შედგა და ჯან პიერომ რომა ჩაიბარა.
