მილუოკი ბაქსთან ჩატარებული ბრწყინვალე მატჩის შემდეგ სანდრო მამუკელაშვილმა მედიასთან სხვადასხვა საკითხზე ისაუბრა.
მეტსახელზე „შვეიცარიული დანა“
„ძალიან მომწონს. ვფიქრობ, ყოველთვის სწორედ ასე მინდოდა თამაში.
ბავშვობაშიც კი, როდესაც NBA 2K-ში საკუთარ მოთამაშეს ვქმნიდი, ყოველთვის ვცდილობდი, მრავალმხრივი კალათბურთელი ყოფილიყო. პასების გაკეთება, მოხსნები, მოედანზე ყველაფრის ცოტ-ცოტა შესრულება, ეს ძალიან მომწონს.
ზოგჯერ შეიძლება 23 ქულა ჩავაგდო, ზოგჯერ კი - ვერა, მაგრამ მინდა, თამაშში მუდმივად ჩართული ვიყო და გუნდს გამარჯვებაში დავეხმარო“.
კარიერის რთულ პერიოდზე და სათამაშო დროის ნაკლებობაზე
რთული გზა გამოვიარე. ორი წელი ორმხრივი კონტრაქტით ვიყავი, თან ხშირად როტაციაშიც ვერ ვხვდებოდი.
ვფიქრობ, ეს ყველაფერი ფსიქოლოგიურად ძალიან გფიტავს. ზოგჯერ საკუთარ შესაძლებლობებში ეჭვი გეპარება და ფიქრობ, რისი გაკეთება შეგიძლია მოედანზე, რომ გუნდს გამარჯვებაში დაეხმარო. ყველა გუნდში განსხვავებული გამოწვევების წინაშე დგები.
აქ კი უბრალოდ მეუბნებიან: „გვინდა, ისეთი იყო, როგორიც სინამდვილეში ხარ. გვინდა, ამ გუნდის მნიშვნელოვანი ნაწილი გახდე და საკუთარი თავის გჯეროდეს“.
ჯეი ჯეი რედიკის მხარდაჭერაზე
დამიყვირა: „კიდევ ისროლე!“ სასიამოვნო იყო მისი ხმის გაგონება. ის უბრალოდ გაძლევს საშუალებას, კალათბურთი ითამაშო და საკუთარი რიტმი იპოვო.
ძალიან სასიამოვნოა, როდესაც სროლას აცდენ და მწვრთნელი მაინც გეუბნება, რომ კიდევ ისროლო. ვფიქრობ, ასეთ დროს ზედმეტი ფიქრები ქრება და უბრალოდ კალათბურთის თამაშს იწყებ“.
მილუოკის დამარცხებაზე
ყოველთვის შესანიშნავი შეგრძნებაა, როდესაც ბრუნდები და იმ გუნდს ამარცხებ, რომელმაც შენზე უარი თქვა.
VIDEO: მამუკელაშვილის საოცარი მატჩი ყოფილ გუნდთან - ლეიკერსის მორიგი გამარჯვება
