ფაბრიციო რომანოს ინფორმაციით, ადემოლა ლუკმენი კარიერას მადრიდის ატლეტიკოში გააგრძელებს.
წყაროს ცნობით, მხარეებს შორის შეთანხმება ყველა დეტალზე შედგა. ატლეტიკო ატალანტას ფიქსირებულ 35 მილიონ ევროს და დამატებით 5 მილიონს ბონუსების სახით გადაუხდის.
ნიგერიელი მადრიდელებს გრძელვადიან კონტრაქტზე გუშინ შეუთანხმდა, ახლა კი საბოლოო შეთანხმებას კლუბებმაც მიაღწიეს.
ატლეტიკო ლუკმენის სამედიცინო შემოწმებას გეგმავს, რის შემდეგაც მხარეებს შორის კონტრაქტი ოფიციალურად გაფორმდება.
ნიგერიელი შემტევი ატალანტას 2022 წელს ლაიფციგიდან შეუერთდა და იტალიურ კლუბთან ერთად 2024 წელს ევროპა ლიგის ტიტული მოიგო.
