The Athletic-ის ჟურნალისტის, დევიდ ორნშტეინის ინფორმაციით, ნიუკასლ იუნაიტედმა საუთჰემპტონთან აარონ რამსდეილის დამატებასთან დაკავშირებით შეთანხმებას მიაღწია.
27 წლის ინგლისელი მეკარის ტრანსფერი ერთწლიანი იჯარის წესითა და გამოსყიდვის უფლებით შედგება.
საუთჰემტპონმა მოთამაშეს სამედიცინო შემოწმების გავლის ნება მისცა და ნიუკასლს შეუძლია ტრანსფერი ოფიციალურად დახუროს. რამსდეილის ანაზღაურებას მომდევნო სეზონში მთლიანად ნიუკასლი გადაიხდის.
ინგლისელი საუთჰემტპონში 2024 წელს არსენალიდან გადავიდა, სადაც პრემიერ ლიგის გასულ სეზონში 30 მატჩი ჩაატარა.
"წმინდანებმა" 12 ქულა დააგროვეს და ბოლო ადგილით პრემიერ ლიგიდან გავარდნენ, მომდევნო წელს კი ჩემპიონშიფში იასპარეზებენ.
