"შეტევაში მკვლელის ინსტინქტი არ გვქონდა" - ნოიერმა მატჩი შეაფასა

პსჟ-სთან 1:1-ისა და ჩემპიონთა ლიგის ფინალში ვერგასვლის შემდეგ, მანუელ ნოიერმა DAZN-ის რეპორტიორებთან შეფასებები გააკეთა.

"ვფიქრობ, დღეს შეტევაში მკვლელის ინსტინქტი არ გვქონდა. მართალია, აშკარა საგოლე შანსები არ იყო, მაგრამ მაინც საკმარისი რაოდენობის მომენტი შევქმენით, რომ გაგვეტანა.

როცა ასეთ მომენტებს ვერ იყენებ... აი, შეხედეთ პსჟ-ს - მკვლელები იყვნენ, 5 გოლი გაიტანეს. დღეს ზუსტად ეს ინსტინქტი გვჭირდებოდა. ვფიქრობ, ხედავდით, რომ ფინალში გასვლასთან ახლოს ვიყავით, მაგრამ საქმის ბოლომდე მიყვანა ვერ შევძელით.

ანგარიში ძალიან გვიან გავათანაბრეთ, შემდეგ მომენტის შესაქმნელად, ან თუნდაც სტანდარტული მდგომარეობისთვის, დრო აღარ გვქონია.

ტრიბუნები შესანიშნავი იყო, ჩვენც ყველაფერი გავაკეთეთ, თუმცა პარიზელთა საჯარიმოში საკმარისად ზუსტები არ ვიყავით.

ბუნდესლიგა დამსახურებულად მოვიგეთ, ახლა ბერლინში გასამართ თასის ფინალსაც მოუთმენლად ველოდებით. თუმცა, ამ მომენტში ყველაზე მეტად იმედგაცრუება ჭარბობს", - თქვა ნოიერმა.

VIDEO: ზედიზედ მეორედ - კვარას პსჟ ჩემპიონთა ლიგის ფინალშია