ილია თოფურიას მიერ განცდილი მტკივნეული მარცხის შემდეგ, UFC-ის ყოფილმა მეტოქემ, ბრაის მიტჩელმა ელ მატადორს წონით კატეგორიაში დაბრუნების შესახებ მისცა რჩევა.
მიტჩელის აზრით, მიუხედავად იმისა, რომ თოფურიას მსუბუქ წონაში ასპარეზობისთვის საჭირო ყველა მონაცემი გააჩნია, მისთვის კარიერული წინსვლისთვის ბევრად უკეთესი იქნება, თუ ის ქვემსუბუქ წონას (145 ფუნტი) დაუბრუნდება.
ტიმ უელჩის პოდკასტში საუბრისას, ბრაის მიტჩელმა საკუთარი გამოცდილება გაიხსენა და აღნიშნა, რომ თოფურიას ამჟამინდელ მდგომარეობის კარგად ესმის. მიტჩელმა ხაზი გაუსვა სიამაყის როლს, რომელმაც როგორც მის, ისე, მისი აზრით, თოფურიას შემთხვევაშიც, გადამწყვეტი როლი ითამაშა წაგებაში.
თავად მიტჩელს 2022 წელს თოფურიასთან დაპირისპირებისას წაუგებელი სერია სწორედ ზედმეტმა თავდაჯერებულობამ და სიამაყემ შეაწყვეტინა, როცა ცუდი მდგომარეობის მიუხედავად, ბრძოლაზე უარი არ თქვა.
ბრაის მიტჩელი აღიარებს, რომ თოფურიამ ჯასტინ გეიჯისთან ბრძოლაში მაღალი დონის მომზადება აჩვენა და გამარჯვებასთანაც ძალიან ახლოს იყო, თუმცა ფიზიკური მონაცემების სხვაობა მსუბუქ წონაში მაინც საგრძნობია. მიტჩელის თქმით, თოფურიას დაბრუნება და შემდგომი წარმატება ახლა მხოლოდ მის მენტალურ სიმტკიცესა და სულიერ მზაობაზეა დამოკიდებული, რადგან ტექნიკური უნარები მას უმაღლეს დონეზე აქვს.
