მანჩესტერ სიტიში გატარებული თითქმის ათწლიანი პერიოდის შემდეგ, ბერნარდუ სილვა კლუბთან კონტრაქტს ასრულებს და თავისუფალი აგენტის სტატუსით ლა ლიგაში გადასასვლელად ემზადება.
პორტუგალიელი ფლეიმეიქერის უფასოდ აყვანის პერსპექტივამ ესპანური ფეხბურთის გრანდების დიდი ინტერესი გამოიწვია, სადაც მთავარ პრეტენდენტებად ბარსელონა და ატლეტიკო გამოიკვეთნენ.
ცნობილი ესპანელი ჟურნალისტის, ჟერარ რომეროს ინფორმაციით, მადრიდის ატლეტიკო ფეხბურთელთან მოლაპარაკებებში საკმაოდ წინ იყო წასული, რადგან ბარსელონას ფინანსური პრობლემების გამო ტრანსფერის დროულად დახურვა უჭირდა. სილვამ მადრიდულ კლუბს მკაფიო და საკმაოდ ხისტად ჩამოყალიბებული უარი შეუთვალა: „ჩემი პრიორიტეტი ბარსელონაა. თუ ისინი ყველაფერს მოაგვარებენ, როგორც ეს მოსალოდნელია, სამწუხაროდ, თქვენთან გადმოსვლას ვერ შევძლებ“.
ეს გადაწყვეტილება მძიმე დარტყმაა ატლეტიკო მადრიდისთვის, რომელიც მანამდე საჯაროდ აკრიტიკებდა და დასცინოდა ბარსელონას ხულიან ალვარესის ტრანსფერის გამო.
ბილეთები Bad Bunny-ს კონცერტზე - ატლეტიკოს შეთავაზება ბარსელონას
კატალონიური კლუბისთვის ახლა უმნიშვნელოვანესი დღეები დგება, რადგან მათ ფინანსური ფეირ-პლეის ფარგლებში ბიუჯეტის გამოთავისუფლება სჭირდებათ, რათა ბერნარდუ სილვას გაფორმება და მისი გუნდში დაუყოვნებლივ დარეგისტრირება შეძლონ.
