ლივერპულის მთავარმა მწვრთნელმა, არნე სლოტმა მოჰამედ სალაჰის ბოლოდროინდელ სათამაშო ფორმაზე ისაუბრა.
„არ ვიცი, ეს სიზუსტეზეა თუ არა. ზოგადად, ფეხბურთელები ხშირად აფუჭებენ საგოლე მომენტებს. ისიც ადამიანია. ჩვენ არ ვართ მიჩვეულები, რომ ის მომენტებს აფუჭებდეს, მით უმეტეს რამდენიმე თამაშში ზედიზედ, მაგრამ ასეთი რამეები ხდება.
მთავარია, მო ყოველთვის იტანდა გოლებს ჩვენი კლუბისთვის. ბოლო, რის შესახებაც ვინერვიულებ, არის ის, რომ მო ვერ დაიწყებს გოლების გატანას, რადგან სწორედ ამას აკეთებდა მთელი თავისი კარიერის განმავლობაში და ველოდები, რომ კვლავაც ასე გააგრძელებს.
მთელი თავისი ლივერპულური კარიერა ტრენტთან ერთად ითამაშა, ასე რომ, შესაძლოა ამის ბრალიც იყოს. მაგრამ ის საკმარისად ხშირად აღმოჩნდა კარგ პოზიციებში გოლის გასატანად, შესაძლოა ტრენტთან ერთად ეს კიდევ უფრო ხშირად ხდებოდა.
მაგრამ ზოგადად, როცა ზაფხულში გუნდში საკმაოდ ბევრი ცვლილებაა, ახალი კავშირების პოვნა გჭირდება. მო ამ მხრივ გამონაკლისი არაა.“ - განაცხადა ნიდერლანდელმა სპეციალისტმა.
