სტეფმა გოლდენთან გაახანგრძლივა - კონტრაქტის დეტალები ცნობილია

გოლდენ სტეიტის ვარსკვლავი სტეფ კარი კლუბთან კონტრაქტის ორი წლით, 116 მილიონ დოლარად გახანგრძლივებაზე შეთანხმდა.

ESPN-ის წყაროების ცნობით, ხელშეკრულება 2028/29 წლების სეზონისთვის მოთამაშის ოფციასაც ითვალისწინებს.

38 წლის კარიმ 2025/26 წლების სეზონში 43 მატჩი ჩაატარა, საიდანაც 41 ძირითად შემადგენლობაში დაიწყო. ის მოედანზე საშუალოდ 30.9 წუთს ატარებდა და 26.6 ქულას, 4.7 შედეგიან გადაცემას, 3.6 მოხსნასა და 1.1 ჩაჭრას აგროვებდა.

კარი კარიერაში მე-12-ედ აირჩიეს NBA-ის ყველა ვარსკვლავის მატჩისთვის.

2025/26 წლების სეზონში კარიმ 39 შეხვედრა გამოტოვა, მათ შორის 27 - მარჯვენა მუხლის პატელოფემორალური ტკივილის სინდრომის, ანუ ძვლის დაჟეჟილობის გამო.

„გოლდენ სტეიტში“ გატარებული კლუბის სარეკორდო 17 სეზონის განმავლობაში კარის კარიერული საშუალო მაჩვენებლებია: 24.8 ქულა, 6.3 შედეგიანი გადაცემა, 4.7 მოხსნა, 1.5 ჩაჭრა და 34.0 წუთი.

მან 1 069 მატჩი ჩაატარა, საიდანაც 1 061 ძირითად შემადგენლობაში დაიწყო.

კარი NBA-ის 75-ე საიუბილეო გუნდის წევრი და All-NBA-ის 11-გზის წევრია. ის NBA-ის ისტორიაში რეგულარულ სეზონში ჩაგდებული სამქულიანების რაოდენობით ყველა დროის ლიდერია - 4 248 ზუსტი სამქულიანი, 42.2%-იანი სიზუსტით. ამასთან, მას პლეი-ოფების რეკორდიც ეკუთვნის - 650 სამქულიანი 39.7%-იანი სიზუსტით.

კარი NBA-ის ისტორიაში საჯარიმო ტყორცნების სიზუსტითაც პირველ ადგილზეა - კარიერაში შესრულებული 4 645 საჯარიმოს 91.2% ზუსტად გამოიყენა.

ის გოლდენ სტეიტის ისტორიაში ყველა დროის ლიდერია ქულებით (26 528), ზუსტი ტყორცნებით თამაშიდან (9 022), შედეგიანი გადაცემებით (6 743), ჩაჭრებით (1 602) და ჩატარებული მატჩებით (1 069).

2022 წლის NBA-ის ფინალების MVP უორიორსს 4 საჩემპიონო ტიტულის მოგებაში დაეხმარა - 2015, 2017, 2018 და 2022 წლებში.

მისი ლიდერობით გუნდმა NBA-ის ფინალში 6-ჯერ ითამაშა (2015-2019 და 2022), პლეი-ოფში 10-ჯერ გავიდა (2013-2019, 2022-23 და 2024-25), ხოლო 2015/16 წლების სეზონში NBA-ის რეკორდი დაამყარა - რეგულარულ სეზონში 73 გამარჯვება მოიპოვა.

კარიმ ზედიზედ ორჯერ მოიგო NBA-ის MVP-ის ჯილდო - 2014/15 და 2015/16 წლების სეზონებში. ამასთან, ის ლიგის ისტორიაში ერთადერთი მოთამაშეა, რომელმაც MVP-ის ჯილდო ხმების აბსოლუტური უმრავლესობით, ერთსულოვნად მოიგო - ეს 2015/16 წლების სეზონში მოხდა.