ბუდაპეშტში მიმდინარე ძიუდოს მსოფლიო ჩემპიონატზე კაცთა -100 კგ. წონით კატეგორიაში საქართველოს სახელით ილია სულამანიძე წარსდგა.
ილიამ პირველ შეხვედრაში უნგრელი შომბორ ვეგი დაამარცხა, 1/8 ფინალში კი ესპანეთის სახელით მოასპარეზე ნიკო შერაზადიშვილს დაუპირისპირდა.
ქართველებს შორის შეხვედრა დაძაბული გამოდგა და გამარჯვებული გოლდენ სქორში გამოვლინდა. ნიკომ მოახერხა და ილიას იპონით სძლია.
სულამანიძე მსოფლიო ჩემპიონატს 1/8 ფინალში გამოეთიშა და მედლისთვის ბრძოლას ვეღარ შეძლებს.
საქართველოს ანგარიშზე მიმდინარე მსოფლიოზე 3 მედალია - 1 ოქრო, 1 ვერცხლი, 1 ბრინჯაო.
ინდივიდუალური შეჯიბრის ბოლო დღეს მედლის მოპოვებას გურამ თუშიშვილი (+100 კგ.) შეეცდება, რომელიც ასპარეზობას სლოვაკ მარიუს ფიზელთან დაპირისპირებით დაიწყებს.
