თავისუფალი ჭიდაობა - ქემერტელიძე ზაგრებში ფინალურ ბრძოლაში დამარცხდა

ხორვატიის დედაქალაქ ზაგრებში თავისუფალ ჭიდაობაში გამართულ სარეიტინგო სერიის ტურნირზე, აკაკი ქემერტელიძემ საპრიზო ადგილი დაიკავა.

70 კგ. წონით კატეგორიაში, ქართველმა ათლეტმა ფინალში გასვლა შეძლო, თუმცა გადამწყვეტი შეხვედრა წააგო და ტურნირის ვიცე-ჩემპიონის სტატუსი მიიღო.

აღსანიშნავია, რომ ჩვენმა ნაკრებმა გათამაშებაზე კიდევ 2 მედალი მოიპოვა - 65 კგ. წონით კატეგორიაში, ნიკა ზაქაშვილი ბრინჯაოს მედლის მფლობელი გახდა, ხოლო ვლადიმერ გამყრელიძემ (86 კგ.) ვერცხელის მედალი დაისაკუთრა.

შედეგად, პირველი დღის შემდეგ, ჩვენი სპორტსმენების აქტივში 3 მედალი - 2 ვერცხლი და 1 ბრინჯაო.

საქართველოს ნაკრები ზაგრებში 13 სპორტსმენით ასპარეზობს. ჩვენი გუნდის მთავარი მწვრთნელი დავით ხურციაა.