ტერ შტეგენის ტრანსფერი ოფიციალურად დადასტურდა

აიაქსმა ბარსელონასთან და მარკ-ანდრე ტერ შტეგენთან შეთანხმებას მიაღწია.

,,34 წლის მეკარე ამსტერდამულ კლუბს ბარსელონადან ერთწლიანი იჯარით შეუერთდა.

ტერ შტეგენი 1992 წლის 30 აპრილს გერმანიის ქალაქ მიუნხენგლადბახში დაიბადა. პროფესიული კარიერა მშობლიური ქალაქის კლუბ ბორუსია მიუნხენგლადბახში დაიწყო. სამნახევარი სეზონისა და 127 ჩატარებული მატჩის შემდეგ, 2014 წელს ბარსელონაში გადავიდა.

მას შემდეგ გერმანელმა მეკარემ კატალონიური კლუბის მაისურით 423 მატჩი ჩაატარა და არაერთი ტიტული მოიგო, მათ შორის უეფას ჩემპიონთა ლიგა და ლა ლიგის შვიდი ჩემპიონობა.

გერმანიის ნაკრების 44-გზის წევრმა გასული სეზონის მეორე ნახევარი იჯარით ჟირონაში გაატარა." - წერია ამსტერდამული კლუბის განცხადებაში.

მარკს გამორჩეული კარიერა აქვს და მისი შესაძლებლობები ყველასთვის კარგად არის ცნობილი. ის ჩვენი გუნდისთვის მყისიერი გაძლიერებაა.

მარკს კარგად ვიცნობ და ძალიან მიხარია, რომ კვლავ ერთად ვიმუშავებთ. მისი გადმოყვანისთვის უკვე დიდი ხანია ვმუშაობდით, ამიტომ ბედნიერები ვართ, რომ საბოლოოდ კონტრაქტს მოაწერა ხელი და ახლა მუშაობას შეუდგება.“ - განაცხადა ჟორდი კრუიფმა.