თოფურია გეიჯის სრულიად განსხვავებულ ვერსიას ელოდება

ჯასტინ გეიჯი, შესაძლოა, MMA-ის ისტორიაში ყველაზე სტაბილურად სანახაობრივი მებრძოლია.

თუმცა მისი მეტოქე, ილია თოფურია, MMA-ის სამყაროს აფრთხილებს, რომ ამჯერად გულშემატკივრები გეიჯის სრულიად განსხვავებულ ვერსიას იხილავენ.

თოფურია (17-0 MMA, 9-0 UFC) თეთრ სახლში გასამართ UFC Freedom 250-ის მთავარ ბრძოლაში, მსუბუქი წონის ტიტულისთვის ჯასტინ გეიჯის (27-5 MMA, 10-5 UFC) დაუპირისპირდება.

სასწორზე რაც უნდა იდოს, გეიჯი ყოველთვის სანახაობრივ ბრძოლებს სთავაზობდა მაყურებელს. თუმცა ამჯერად თოფურია ფიქრობს, რომ მისი მეტოქე სრულიად განსხვავებულ ტაქტიკას აირჩევს და შეეცდება, საჩემპიონო ბრძოლა უფრო დიდხანს გააგრძელოს.

ვფიქრობ, ჯასტინის სრულიად განსხვავებულ ვერსიას ვიხილავთ იმასთან შედარებით, რასაც შეჩვეული ვართ.

„ის სრულიად განსხვავებული სტილით გამოვა. ეცდება ჭიდაობის გამოყენებას, ძლიერ ლოუქიქებს, ფეხის შიდა ნაწილზე დარტყმებსა და მაღალი გარე დარტყმების შესრულებას.

მისი გეგმა იქნება, ბრძოლა გვიან რაუნდებში გადაიყვანოს, ნელ-ნელა დამღალოს და შემდეგ მუშტებით შემოტევაზე გადავიდეს. ასე რომ, ველოდებით ჯასტინის სრულიად განსხვავებულ ვერსიას, ვიდრე აქამდე გვინახავს.“ - განაცხადა თოფურიამ UFC Freedom 250-ის მედია დღეზე.

თოფურიამ ასევე თამამი პროგნოზი გააკეთა და განაცხადა, რომ გეიჯისთან ბრძოლას პირველ 2 წუთში დაასრულებს.

ეს რეაქცია იყო იმ პირად კომენტარზე, რომელიც გეიჯიმ თოფურიას ბოლო განქორწინებასთან დაკავშირებით გააკეთა. მიუხედავად იმისა, რომ თავდაპირველად ჩანდა, თითქოს თოფურიამ ეს სიტყვები გულთან მიიტანა, ახლა ამბობს, რომ ასე აღარ არის.

მას შემდეგ, რაც ეს თქვა, კიდევ ბევრი რამ ილაპარაკა.

„ჯერ თქვა, რომ განქორწინებას არ გულისხმობდა. შემდეგ თქვა, რომ ხუმრობდა. რაც უნდა იყოს, არ მაინტერესებს. იდიოტის სიტყვებს პირადად ვერ მიიღებ. ის იდიოტია. ‘მამაჩემი ჩემი მამაა’ - სულ ეს არის. ის ვიდეო ნახეთ? ‘მამაჩემი ჩემი მამაა’.“ - აღნიშნა თოფურიამ.

თოფურია: ,,გეიჯის გეგმა ჩემთვის მარტივ ნოკაუტს ნიშნავს"