ილია თოფურიამ ხაბიბ ნურმაგომედოვთან ჰიპოთეტური ორთაბრძოლის პროგნოზირებაზე უარი განაცხადა.
UFC-ის მოქმედმა ჩემპიონმა აღნიშნა, რომ ლეგენდარული დაღესტნელის გადაწყვეტილება პენსიაზე გასვლის შესახებ პატივისცემას იმსახურებს და საზოგადოებას მოუწოდა, რომ თავი დაანებონ მას.
თოფურიამ, რომელიც ამჟამად ჯასტინ გეიჯისთან სატიტულო გაერთიანებითი ბრძოლისთვის ემზადება, ხაზგასმით აღნიშნა, რომ ხაბიბის კარიერა დასრულებულია და ის დაბრუნებას არ აპირებს. მატადორმა ღრმა პატივისცემა გამოხატა ნურმაგომედოვის მიმართ მისი დაუჯერებელი 29-0 სტატისტიკისა და პროფესიონალური კარიერის გამო.
აღსანიშნავია, რომ ილია თოფურია, რომელიც ორ წონით კატეგორიაში ჩემპიონობის შემდეგ მესამე ტიტულის მოსაპოვებლად ნახევრადსაშუალო წონაში გადასვლას გეგმავს, ხაბიბისგან განსხვავებით, საკმაოდ კრიტიკულია ნურმაგომედოვის მეგობრისა და მოსწავლის, ისლამ მახაჩევის მიმართ.
თოფურიამ მახაჩევი მშიშარად მოიხსენია და მასთან საჩემპიონო სუპერ-ბრძოლის გამართვის სურვილი გამოთქვა.
