ბულგარეთის ქალაქ ბურგასში გამართულ ტყვიის სროლის ახალგაზრდულ ევროპის ჩემპიონატზე, მარიამ მარშავამ ოქროს მედალი მოიგო.
მარშავამ, სოლო ტურნირის ფინალში, 10 მეტრზე პნევმატური პისტოლეტიდან სროლაში, ჩეხი ვიქტორია სინდლეროვა 15:13 დაამარცხა და ევროპის ჩემპიონობა იზეიმა.
ასევე, პნევმატური პისტოლეტის 10-მეტრიან დისტანციაზე სროლაში, მარიამ მარშავასა და გიორგი მუმლაძის წყვილმა ბრინჯაოს მედალი მოიპოვა.
