არმან ცარუკიანმა კარგად იცის, რომ საბრძოლო სპორტში გარანტირებული არაფერია.
19 თვის წინ ცარუკიანs UFC 311-ზე მსუბუქი წონის ჩემპიონის, ისლამ მახაჩევის წინააღმდეგ ტიტულისთვის უნდა ებრძოლა, თუმცა ბრძოლის კვირაში ტრავმა მიიღო და შეხვედრას გამოეთიშა.
ბოლო მომენტში ბრძოლიდან მოხსნისა და მოგვიანებით ოქტაგონის გარეთ მომხდარი ინციდენტების გამო UFC-მ მას საჩემპიონო ბრძოლის შესაძლებლობა რამდენჯერმე არ მისცა, მიუხედავად იმისა, რომ UFC 317-ზე ვაკანტური ტიტულისთვის ბრძოლის სათადარიგო მებრძოლის სტატუსით წონა წარმატებით ჩააბარა, ნოემბერში კი UFC Qatar-ზე დენ ჰუკერი დაამარცხა.
ახლა ცარუკიანი მომდევნო თვეში UFC 331-ის თანამთავარ ბრძოლაში მაურისიო რუფის დაუპირისპირდება. თუმცა „ბეტმენმა“ იცის, რომ გამარჯვების შემთხვევაშიც კი არ არსებობს გარანტია, რომ მისი შემდეგი ბრძოლა ტიტულისთვის იქნება.
„ამ სპორტში ყველაფერი გარანტირებული არ არის. მზად უნდა იყო და ნებისმიერი მეტოქე უნდა დაამარცხო. თუ კიდევ ერთ ბრძოლას მომცემენ, მოვიგებ, თუ კიდევ ათს, ათივეს მოვიგებ და საბოლოოდ ჩემპიონი გავხდები“, - განუცხადა ცარუკიანმა MMA Fighting-ს.
ცარუკიანს იმედი ჰქონდა, რომ მისი შემდეგი ბრძოლა მსუბუქი წონის ტიტულისთვის იქნებოდა. თუმცა მას შემდეგ, რაც UFC White House-ზე ჯასტინ გეიჯიმ ილია თოფურია დაამარცხა და ქამარი მოიპოვა, „The Highlight“-მა მკაფიოდ განაცხადა, რომ 2026 წელს კიდევ ერთხელ ბრძოლა არ სურდა.
შესაბამისად, ცარუკიანისთვის აქტიურობის შენარჩუნება მარტივი გადაწყვეტილება იყო.
„საჩემპიონო ბრძოლას ველოდებოდი, მაგრამ გეიჯის წელს ბრძოლა აღარ სურს. ამიტომ შემომთავაზეს თითქმის ჩემს მშობლიურ ქალაქში, ლოს ანჯელესში ბრძოლა და დავთანხმდი.
ოლივეირასთან ბრძოლაზეც თანახმა ვიყავი. სამწუხაროდ, მეგობართან დაკავშირებული სიტუაციის გამო ის ბრძოლას გამოეთიშა, მაგრამ რუფიც შესანიშნავი მეტოქეა.
მოჭიდავე სტრაიკერის წინააღმდეგ, ვფიქრობ, გულშემატკივრებს ეს ბრძოლა მოეწონებათ და მეც ძალიან მოტივირებული ვარ“.
ცარუკიანისთვის მთავარი აქტიურობის შენარჩუნებაა. მიუხედავად UFC-ში ხანგრძლივი პაუზისა, გასული წლის განმავლობაში მას უქმად არ უცდია, რაც შეიძლება ხშირად ასპარეზობდა როგორც Real American Freestyle-ში, ისე სხვადასხვა გრეპლინგის ტურნირზე.
თუმცა მსუბუქი წონის ტიტულის მოპოვების შემდეგ ცარუკიანს სურს, რომ ძირითადად UFC-ის ოქტაგონში იბრძოლოს.
ვისურვებდი, UFC-ში აქტიური ვიყო. როდესაც ჩემპიონი ხარ, შეგიძლია რაც შეიძლება ხშირად იბრძოლო. სწორედ ამიტომ მინდა ჩემპიონობა, რომ აქტიური ვიყო.
ახალგაზრდა და მოტივირებული ვარ. 155 ფუნტისთვის არც ისე დიდი ვარ, ამიტომ წონის დაკლება შემიძლია და წელიწადში მინიმუმ 3-ჯერ ბრძოლაც შემიძლია“, - განაცხადა ცარუკიანმა.
UFC 331 20 სექტემბერს, ლოს ანჯელესში გაიმართება. საღამოს მთავარი ბრძოლა უსმუბუქეს წონაში ჯოშუა ვენისა და ალეშანდრე პანტოჟას საჩემპიონო რემატჩი იქნება.
VIDEO: დანა უაითს ჩარევა მოუწია - ცარუკიანის პირისპირ დგომი რუფისთან
