ცარუკიანი: "პიმბლეტი და გეიჯი ჩემი დონის არ არიან, იმიტომაც არ ვჩხუბობ"

არმან ცარუკიანმა UFC-ის მსუბუქი წონის დივიზიონში არსებულ ვითარებაზე ისაუბრა.

„თუ მათგან რომელიმე ტრავმას მიიღებს, მე ჩავანაცვლებ და გამოვალ ბრძოლაზე. ფორმაში ვიქნები. UFC ამ ბრძოლაზე ოფიციალურ რეზერვს არ ნიშნავს, მაგრამ ყველაფერი შესაძლებელია — მე უბრალოდ ვივარჯიშებ და მზად ვიქნები. თუ დამირეკავენ სამი კვირით ადრე, ორი კვირით ადრე ან თუნდაც ერთი კვირით ადრე — მზად ვიქნები.

ვინ არის ჩემთვის უფრო სასურველი? სიმართლე რომ ვთქვა, ორივე ტომარაა. ტომრები, რომლებსაც მაინც ისე უნდა მოემზადო, როგორც ტიტულისთვის, რადგან ბრძოლაში ყველაფერი შეიძლება მოხდეს, მაგრამ მე ვხედავ, რომ ისინი ჩემი დონის არ არიან. სწორედ ამიტომაც არ ვიბრძვი იქ. მე რომ მათზე სუსტი ვყოფილიყავი — ეჭვგარეშეა, იქ ვიქნებოდი.

ეს სიტუაცია იმიტომ შეიქმნა, რომ ვერ შევძელი ისლამ მახაჩევთან ბრძოლაზე გასვლა. ეს გაკვეთილია, რომელიც უნდა ვისწავლო და ბრძოლებს უფრო პროფესიონალურად მივუდგე“, — განაცხადა ცარუკიანმა.

ცარუკიანმა ცოტა ხნის წინ ბრაზილიური ჯიუ-ჯიცუს ორთაბრძოლაში მეჰდი ბაიდულაევი დაამარცხა და ACBJJ 20-ის ჩემპიონი გახდა.

22 ნოემბერს ცარუკიანმა დენ ჰუკერი მეორე რაუნდში დამხრჩობი ილეთით დაამარცხა. ამჟამად ის ხუთმატჩიან გამარჯვებების სერიაზე იმყოფება.

შეგახსენებთ, რომ პიმბლეტი და გეიჯი ერთმანეთს 25 იანვარს, მსუბუქი წონის დროებითი საჩემპიონო ქამრისთვის ბრძოლაში დაუპირისპირდებიან.