ცარუკიანი: „თოფურისა ჩემთან წაგებას მახაჩევთან წაგება ურჩევნია"

არმან ცარუკიანმა ილია თოფურიას ქვესაშუალო წონით დივიზიონში შესაძლო გადასვლაზე ისაუბრა.

„თუ UFC ილიას წონის შეცვლის ნებას დართავს, ის ამას გააკეთებს. ჩემთან ჩხუბს ისლამთან ბრძოლა ურჩევნია.

ეს მესამე ტიტულია, დიდი ფული და ისლამ მახაჩევთან რომც წააგოს, ეს ტრაგედია არ იქნება. ის სხვა წონაში ავიდოდა და UFC-ის საუკეთესო მებრძოლთან დამარცხდებოდა. აი, ჩემთან თუ წააგებს, საერთოდ წავა.

მე თეთრ სახლში გასამართ ტურნირს ველოდები. ამის შემდეგ გამოაცხადებენ ჩემს მომავალ ბრძოლას. სავარაუდოდ, ის სექტემბერში, ოქტომბერში ან წლის ბოლოს შედგება. გააჩნია, ვინ გაიმარჯვებს. თუ თოფურია მოიგებს, მაშინ, ალბათ, წლის ბოლოს. თუ გეიჯი გაიმარჯვებს, მაშინ სექტემბერ-ოქტომბერში“, - განაცხადა ცარუკიანმა.

შეგახსენებთ, რომ ილია თოფურია და ჯასტინ გეიჯი ერთმანეთს 14 ივნისს, UFC Freedom-ის მთავარ მოვლენაზე დაუპირისპირდებიან.