ტუხელი: "თითქოს ფინალი მოვიგეთ"

ინგლისის ნაკრებმა 2026 წლის მსოფლიო ჩემპიონატის მერვედფინალში მექსიკა დრამატულ ბრძოლაში, ანგარიშით 3:2 დაამარცხა და ტურნირის მეოთხედფინალში გავიდა.

ლეგენდარულ სტადიონ აცტეკაზე გამართული მატჩი არა მხოლოდ სპორტული თვალსაზრისით, არამედ ემოციური დაძაბულობითაც გამორჩეული იყო.

ინგლისი მატჩს საკმაოდ დამაჯერებლად იწყებდა და ჯუდ ბელინგემის დუბლის წყალობით ორბურთიანი უპირატესობა მოიპოვა, თუმცა სიტუაცია ჯარელ კუანსას წითელმა ბარათმა შეცვალა. თითქმის 50 წუთის განმავლობაში 10 კაცით დარჩენილმა ინგლისელებმა მექსიკის მაღალმთიან პირობებსა და ათასობით გულშემატკივრის მხარდაჭერით გაძლიერებულ შეტევებს გაუძლეს. ჰარი კეინის გატანილმა პენალტმა გუნდს გარკვეული დროით სუნთქვის საშუალება მისცა, თუმცა მატჩის მიწურულს დაძაბულობამ პიკს მიაღწია.

მატჩის შემდეგ ინგლისის მთავარმა მწვრთნელმა თომას ტუხელმა თავისი გუნდის მენტალური სიმტკიცე შეაქო:

მატჩის დაწყებამდეც კი არ მქონდა შეგრძნება, რომ ეს მხოლოდ მერვედფინალი იყო, მატჩის დასრულებისას კი ისეთი ემოცია დამეუფლა, თითქმის ფინალი მოვიგეთ-მეთქი.

მისი თქმით, მასპინძელ ქვეყანასთან, ასეთი არასახარბიელო გარემოებების მიუხედავად, გამარჯვების მოპოვება გუნდის გმირული მენტალიტეტის დამსახურებაა.