ამხანაგურ მატჩში ინგლისის ნაკრები სენსაციურად სენეგალთან დამარცხდა.
შეხვედრა ქალაქ ნოტინგემში სტადიონ სიტი გრაუნდზე გაიმართა და სტუმართა გამარჯვებით 3:1 დასრულდა.
ჰარი კეინის მიერ მე-7 წუთზე გატანილ გოლს სტუმრებმა სამი უპასუხო გოლით უპასუხეს და მოულოდნელი გამარჯვება მოიპოვეს.
თომას ტუხელმა ინგლისის ნაკრების სათავეში თავისი პირველი მარცხი იწვნია, სენეგალი კი ისტორიაში პირველი აფრიკული ნაკრები გახდა, რომელმაც ინგლისის დამარცხება შეძლო.
მომდევნო მატჩებს ინგლისის ნაკრები 6 და 9 სექტემბერს, მსოფლიოს საკვალიფიკაციოზე, ანდორას და სერბეთის წინააღმდეგ გამართავს.
