თურქეთი-საფრანგეთი: ვინ გაიტანს და როგორი ანგარიშით დასრულდება მატჩი?

საფრანგეთის ნაკრებში ზინედინ ზიდანის ეპოქა იწყება.

ლეგენდარული ფრანგი ეროვნულ გუნდს პირველად ერთა ლიგაზე, თურქეთის წინააღმდეგ გაუძღვება. მსოფლიო ჩემპიონატის ნახევარფინალში ესპანეთთან მარცხის შემდეგ, ფრანგები ახალი ციკლის დამაჯერებელი გამარჯვებით დაწყებას გეგმავენ.

ვინჩენცო მონტელას თურქეთი მარტივი მეტოქე არ არის, თუმცა მუნდიალზე ჯგუფიდან ჩარჩენის შემდეგ გუნდი საუკეთესო ფორმაში არ იმყოფება. გარდა ამისა, მასპინძლებს სერიოზული დანაკლისი აქვთ, ჰაკან ჩალჰანოღლუსა და კენან ილდიზის არყოფნაში, მთავარი იმედი არდა გიულერისა და კერემ აკტიურკოღლუს შემოქმედებითობა იქნება. ფრანგებს კი ტრავმის გამო მხოლოდ უილიამ სალიბა დააკლდებათ.

რას უნდა ველოდოთ მატჩისგან?

კლასისა და რესურსის ხარჯზე, უპირატესობა საფრანგეთის მხარესაა. დიდი შანსია, ზიდანის გუნდმა მინიმუმ 2-ბურთიანი სხვაობით გაიმარჯვოს. ამასთან, მაღალია იმის ალბათობაც, რომ ფრანგები საკუთარ კარს მშრალად შეინახავენ, რადგან თურქეთს ბოლო პერიოდში ძლიერ მეტოქეებთან გოლის გატანა უჭირს.

რაც შეეხება ინდივიდუალურ პერფორმანსს, მოედნის მთავარი ფიგურა კილიან მბაპე იქნება. მსოფლიო ჩემპიონატზე გატანილი 10 გოლისა და მოპოვებული ოქროს ბუცის შემდეგ, შეტევის ხაზში ის კვლავ შეუჩერებელია და სწორედ მბაპეა ის მთავარი ფეხბურთელი, რომლისგანაც ამ შეხვედრაში გოლს (ან გოლებს) უნდა ველოდოთ.