თურქეთმა პოლონეთი დამაჯერებლად დაამარცხა და ევრობასკეტის ნახევარფინალშია

ევრობასკეტ 2025-ზე მეოთხედფინალური ეტაპის პირველი მატჩი გაიმართა.

ლატვიის დედაქალაქ რიგაში ერთმანეთს თურქეთი და პოლონეთი დაუპირისპირდნენ.

მატჩის პირველი მეოთხედი თანაბრად წარიმართა და 19-19 დასრულდა, მეორე მეოთხედში კი თურქებმა გაქცევა მოახერხეს და პირველი ტაიმი 14-ქულიანი უპირატესობით მოიგეს (46-32).

მესამე მეოთხედში პოლონელებმა თამაშში დაბრუნება ვერ მოახერხეს და ბოლო მეოთხედს 15-ქულიანი ჩამორჩენით შეხვდნენ (65-50). საბოლოოდ მატჩი თურქეთის გამარჯვებით 91-77 დასრულდა.

მოგებულ გუნდს ალფერენ შენგუნმა ულიდერა, რომელმაც სამმაგი დუბლი მიითვალა - 19 ქულა, 12 მოხსნა, 10 შედეგიანი გადაცემა.

თურქეთი მიმდინარე ევრობასკეტის პირველი ნახევარფინალისტი გახდა. ისინი მომდევნო ეტაპზე ლიეტუვას და საბერძნეთს შორის გამარჯვებულს შეხვდებიან.