საქართველოს 16-წლამდე გოგონათა ნაკრებმა უეფა-ს განვითრების თასი მეორე ადგილზე დაასრულა.
ბაქოში ჩატარებული ტურნირის ფარგლებში, ტატა მატვეევას გუნდმა სამი შეხვედრა გამართა - რუმინეთთან განცდილი მარცხის შემდეგ, ნაკრებმა ჯერ ლიეტუვა, შემდეგ კი მასპინძელი აზერბაიჯანი დაამარცხა და 6 ქულით მეორე ადგილი დაიკავა.
ლიეტუვასთან მინიმალური ანგარიშით მოგებულ შეხვედრაში გატანილი გოლით თავი ნატალია გუგულაშვილმა გამოიჩინა, ხოლო აზერბაიჯანთან (2:4) გოლები ნინო სხრიტლაძის, მარიამ გასანოვას, სესილი გაბრელიანისა და ანი დავითულიანის ანგარიშზეა.
ფოტო: NAKREBI.GE
