VIDEO: დასანანი მარცხი - ბასილაშვილი რომის მასტერსს 1/8 ფინალიდან გამოეთიშა
1 სთ წინ · 0 წთ წასაკითხად
-
Aa
+
ფონტის ზომა
ნიკოლოზ ბასილაშვილმა რომის მასტერსზე გამოსვლა 1/8 ფინალურ ეტაპზე დაასრულა - მსოფლიოს მე-14 ჩოგან ანდრეი რუბლიოვთან 3 სეტში დამარცხდა.
პირველ სეტში ბასილაშვილი რიტმს და თამაშის მიმდინარეობას კარგად აკონტროლებდა, მეორე სეტში კი ბრეიკითაც დაწინაურდა, რის შემდეგაც რუბლიოვმა ტაქტიკა შეცვალა და ქართველს თამაში ბექჰენდზე გადაუტანა. შედეგად, ჯერ მეორე სეტი ტაიბრეიკზე წაართვა, მესამეში კი ქართველს უბრალოდ თამაში აღარ ჰქონია (16 უნებლიე და 7 ორმაგი შეცდომა დაუშვა, როცა რუბლიოვს 4 უნებლიე და 0 ორმაგი შეცდომა ჰქონდა) - 6:3; 6:7; 2:6.
ნიკამ რომში საკვალიფიკაციო ეტაპზე 2 მატჩი მოიგო, ძირითად ბადეში კი დანიელ მერიდა აგილარს, მსოფლიოს მე-6 ჩოგან ბენ შელტონსა და 32-ე ჩოგან ბრენდონ ნაკაშიმას აჯობა.
ანდრეი რუბლიოვი 1/4 ფინალურ ეტაპზე მსოფლიოს პირველ ჩოგან იანიკ სინერს შეხვდება.
