ნიკოლოზ ბასილაშვილმა, რომის მასტერსის 1/32 ფინალურ ეტაპზე, მსოფლიოს მე-6 ჩოგან ბენ შელტონს მოუგო.
ATP-ის ეგიდით, ნიკას პროფესიონალურ კარიერაში თამაშის მომენტში მსოფლიო რეიტინგის TOP 10-ში მყოფ ჩოგბურთელთან უკვე 9 გამარჯვება აქვს, სია ასეთია:
1. ვენა (500-ქულიანი ტურნირი) - 25 ოქტომბერი, 2016 V ტომაშ ბერდიხი (მე-10 ჩოგანი) - 6:4; 6:7; 7:5 - პირველი რაუნდი;
2. სოფია (250-ქულიანი ტურნირი) - 9 თებერვალი, 2017 V დომინიკ ტიმი (მე-8 ჩოგანი) - 6:4; 6:4 - მეორე რაუნდი;
3. პეკინი (500-ქულიანი ტურნირი) - 7 ოქტომბერი, 2018 V ხუან მარტინ დელ პოტრო (მე-4 ჩოგანი) - 6:4; 6:4 - ფინალი;
4. ჰამბურგი (500-ქულიანი ტურნირი) - 27 ივლისი, 2019 V ალექსანდრ ზვერევი (მე-5 ჩოგანი) - 6:4; 4:6; 7:6 - 1/2 ფინალი;
5. დოჰა (250-ქულიანი ტურნირი) - 11 მარტი, 2021 V როჯერ ფედერერი (მე-6 ჩოგანი) - 3:6; 6:1; 7:5 - 1/4 ფინალი;
6. ინდიან უელსი (1000-ქულიანი ტურნირი / მასტერსი) - 15 ოქტომბერი, 2021 V სტეფანოს ციციპასი (მე-3 ჩოგანი) - 6:4; 2:6; 6:4 - 1/4 ფინალი;
7. ჰალე (500-ქულიანი ტურნირი) - 14 ივნისი, 2022 V ანდრეი რუბლიოვი (მე-8 ჩოგანი) - 7:6; 6:4 - პირველი რაუნდი;
8. უიმბლდონი (დიდი სლემი) - 1-ელი ივლისი, 2025 V ლორენცო მუზეტი (მე-7 ჩოგანი) - 6:2; 4:6; 7:5; 6:1 - პირველი რაუნდი;
9. რომი (1000-ქულიანი ტურნირი / მასტერსი) - 9 მაისი, 2026 V ბენ შელტონი (მე-6 ჩოგანი) - 6:4; 6:7; 6:3 - მეორე რაუნდი.
ბასილაშვილს პროფესიონალურ კარიერაში 9 ფინალი აქვს ნათამაშები და მათგან 5-ჯერ ტიტულიც მოიგო. მასტერსის სერიის ტურნირზე ფინალში ერთადერთხელ ითამაშა - 2021 წელს, ინდიან უელსში სატიტულო მატჩი კამერონ ნორისთან წააგო.
ქართველი ჩოგბურთელი რომის მასტერსის 1/16 ფინალში კიდევ ერთ ამერიკელს, მსოფლიოს 32-ე ჩოგან ბრენდონ ნაკაშიმას შეხვდება. ურთიერთშეხვედრებში 1:0-ს უგებს - 2025 წლის 16 მაისს, ბორდოს ტურნირზე, რომელიც ასევე გრუნტის საფარზეა 3 სეტში დაამარცხა.
VIDEO: ხმაურიანი გამარჯვება - ბასილაშვილმა მსოფლიოს მე-6 ჩოგანი დაამარცხა
