აშშ-ის პრეზიდენტმა, დონალდ ტრამპმა, უპასუხა კითხვას 2026 წლის მსოფლიო ჩემპიონატზე ირანის ნაკრების შესაძლო დისკვალიფიკაციისა და მისი იტალიით ჩანაცვლების თაობაზე.
ამ თემამ აქტუალობა მას შემდეგ შეიძინა, რაც პრეზიდენტის წარმომადგენელმა, პაოლო ძამპოლიმ, ოფიციალურად მიმართა ფიფას (FIFA) თხოვნით, რომ ტურნირზე ირანის ადგილი იტალიის ნაკრებმა დაიკავოს.
კითხვაზე, თუ რას ფიქრობს ის ამ ინიციატივაზე, ტრამპმა საკმაოდ მოკლე პასუხი გასცა:
„ამაზე დიდად არ მიფიქრია. თუმცა, საინტერესო შეკითხვაა. ნება მომეცით, ამ საკითხზე დავფიქრდე,“ - განაცხადა აშშ-ის პრეზიდენტმა
შეგახსენებთ, რომ იტალიის ნაკრებმა 2026 წლის მუნდიალზე მოხვედრა ვერ მოახერხა, თუმცა ძამპოლის ინიციატივა სწორედ ირანის გარშემო არსებულ პოლიტიკურ ვითარებასა და სპორტულ სანქციებს ეფუძნება.
