ვალვერდე; "ზოგჯერ ზედმეტად ადრე ვფიქრობთ, რომ მატჩი მოგებულია"

ფედერიკო ვალვერდემ მარსელთან მოგებულ თამაშზე ისაუბრა.

სანტიაგო ბერნაბეუზე გამართული მატჩი რეალმა 2:1 მოიგო. 

„კარგი თამაში ჩავატარეთ. იგივე დაგვემართა, რაც რამდენიმე დღის წინ - გაძევებამ საქმე გაგვირთულა და ვეღარ ვითამაშეთ ისე, როგორც გვინდოდა, მაგრამ მთავარია მოვიგეთ.

ჩვენი ბრალიც არის - ზოგჯერ ზედმეტად ვართ დარწმუნებულები, რომ მატჩი უკვე მოგებულია, როცა რეალურად ასე არ არის. საჭირო განწყობა გაცილებით დიდხანს უნდა შევინარჩუნოთ, ვიდრე დღეს.

საკამათო ეპიზოდებზე არ გავაკეთებ კომენტარს, იმიტომ რომ ახლა ემოციებში ვარ და შეიძლება რაღაც ცუდად გამომივიდეს. არ მომწონს მსაჯებზე ლაპარაკი და მირჩევნია, ფეხბურთელების საქმიანობაზე ვკონცენტრირდე. სკამიდან შემოსული ფეხბურთელები დაგვეხმარნენ.

დიდი სიხარულია, რომ მბაპე გოლების გატანას აგრძელებს და თავს კომფორტულად გრძნობს. ჩვენი საქმეა - ბურთების მასთან მიტანა, რომ მეტი მომენტი შეექმნას და ნახევარდაცვაში უკეთ ვიმუშავოთ, რათა მას გოლის გატანის კიდევ უფრო ბევრი შანსი გაუჩნდეს." - აღნიშნა ურუგვაელმა.