რაფაელ ვან დერ ვარტმა მიანიშნა, რომ რუსეთის ნაკრების ფეხბურთელებს ევრო 2008-ზე შესაძლოა დოპინგი გამოეყენებინათ.
ტურნირის მეოთხედფინალში რუსეთის გუნდმა ნიდერლანდების ნაკრები დაამარცხა (3:1), სადაც ორი გოლი დამატებით დროში გაიტანა.
ნიდერლანდელთა ყოფილმა მოთამაშეებმა, რაფაელ ვან დერ ვაარტმა და უესლი სნეიდერმა, მონაწილეობა მიიღეს პოდკასტში Raf & Wes. მათი თქმით, იმ მატჩში მეტოქის სათანადოდ შეუფასებლობას ადგილი არ ჰქონია.
ვან დერ ვაარტი: „იმ მატჩს კიდევ ერთხელ გადახედეთ. მერწმუნეთ: თითოეული ბურთი უბრალოდ გვერდზე მიფრინავდა. ბაზელში 40 გრადუსი სიცხე იყო, ჩვენ სრულიად განადგურებულები ვიყავით. დამატებითი დრო დაიწყო, ისინი კი ახლებივით იყვნენ“.
სნეიდერი: „მე არ ვიცი, იქ რა მოხდა“.
ვან დერ ვაარტი: „კარგით, ეს არ უნდა ვთქვათ, მაგრამ ეს მთელი ისტორია რუსეთში დოპინგთან დაკავშირებით... ჩვენ პრესინგს მივმართავდით და ვფიქრობდით, რომ ახლა გავტეხდით მათ. არშავინმა კი ისევ ისე დაიწყო სირბილი, როგორც პირველ წუთზე. ჩვენ ამას ვეღარ ვუმკლავდებოდით“.
