"ვარჯიშზე ამაზე ბევრი ვიმუშავეთ" - სვანაძე მალტასთან მატჩის წინ

საქართველოს 21-წლამდელთა ნაკრების მთავარმა მწვრთნელმა, რამაზ სვანაძემ, მალტასთან მატჩის წინ, კომენტარი გააკეთა.

"ხვალინდელ მატჩში ჩემი გუნდისგან ბევრად აგრესიულ და კონცენტრირებულ თამაშს ველი, იმ ხარვეზების გარეშე, რომლებიც ლატვიასთან გვქონდა. ვეცდებით, ის პოზიტივი გამოვიყენო, რაც ლატვიასთან გაშვებული გოლის შემდეგ ვაჩვენეთ. კარგად ვიცით, 10 კაცით თამაშის გადარჩენა როგორი რთულია და რა რთულია იმ ხარისხისა და დომინაციის შექმნა, რაც ჩვენ მოხახერხეთ.

მნიშვნელოვანია, რომ ბევრი ვიმუშავეთ შეცდომებზე, რომლებიც ლატვიასთან დამაგვირგვინებელ ფაზაში გვქონდა. ამაზე ბევრი ვისაუბრეთ, ვარჯიშებზეც ვიმუშავეთ და იმედი მაქვს, ხვალ ეს გამოსწორებული იქნება", - აღნიშნა სვანაძემ.

ევრო 2027-ის შესარჩევის 6 ტურის შემდეგ, ჩვენს გუნდს 6 ქულა აქვს, მე-4 ადგილზე იმყოფება და მე-3 ადგილოსან ჩრდილოეთ ირლანდიის ნაკრებს 1 ქულით ჩამორჩება, ხოლო ერთით ქვემოთ მყოფ ლატვიას 1 ქულით უსწრებს. ხვალინდელ მეტოქე მალტას 0 ქულა და 0 გოლი აქვს.

საქართველოსა და მალტის 21-წლამდელთა ნაკრების თამაში 31 მარტს, 19:00 საათიდან, ქუთაისში, რამაზ შენგელიას სახელობის სტადიონზე ითამაშებენ. პირდაპირი რეპორტაჟი პირველ არხზეა.